بدي خبر قصة بيعيشها كل لبناني مع التلفزيون بلبنان ،انو مش عم بنتقد … بس حلو بين وقت و التاني نضوّي على كم نقطة منشوفا دايماً… من وقت قصير يعني حوالي السنتين لهلق بلش يبين عنا عوسائل الأعلام اللبناني ، كل يومين بيطلع دعاية جديدة بيحكو فيها عن دواء جديد هدفو الظاهري هو تخليص البشرية من مشكلة العصر متل ما بيسمّوها ” السمنة ” .هلق حلو نعترف بأنو السمنة هي مشكلة بس أنو معليش ما يسمّوها مشكلة العصر … انو نسيو كل المشاكل اللي عم نعيشها بحياتنا…بس للصراحة معن حق يعني قضية الشرق الأوسط و البطالة و المشاكل السياسية و غيرها ما بيهمّو … كلّو بينحل بمجرد ما الست تقدر تنزل عالبحر بلا ما تستحي بجسما … و الحلو انو بيصيرو يناقضو بعضن … يعني على كل تلفزيون منشوف التالي:
من الساعة 6 الصبح بتفتح التلفزيون قبل ما تروح عالتزاماتك اليومية … و بيطلع بوجّك رجال عم يوصف شاي بيساعد على الاسهال… عال10 بيطلع الشخص التاني و بيقول انو مستحضر العشب لوحدو ما بيكفي و ضروري يترافق بالحبوب اللي بتنفرد شركتو بتصنيعها …عال 12 بيرجع اللي كان عال6 البح عم يوصف ما يسمّى قاطع للشهية …و عم يحكي بكل جدية و جأرة وحدة من أهم مميزاتها انو بتقطع الشهية …و بيصيرو كل ساعتين يطلع واحد يناقض التاني و يقول انو هالمستحضرات منا مفيدة و لازم تجيب غير دوا…و هيك بتضيع و بعد ما تضيع عالآخر فجأة بيطلع واحد عم يوصف منشّط للذاكرة … يا عمي ولله انتو بطلو تطلعو عالتلفزيون و شوفو كيف ما بيعود في شياسمو ضياع … أصلا وحدة من أهم أسباب السمنة هي سمّة البدن منكن و من هالوضع…
و في شي طتير مهم ما عم بفهمو كيف معقول حدا يوثق بحدا عم يوصف دوا لأشياء ما بيعرف يلفظ اسما صح…
و ختاما … بركي اذا بتنسو شوي السمنة و الشكل و بتروحو تحطو اكتشافاتكن العلمية العظيمة… بشي بينفع …. بس بصدد التذكير في مرض عم يضرب الناس و اسمو السيدا … فجرّبو لتداووه و تركو الجسم يتخلّ من اللي أكله لوحده.
