دايماً بسأل حالي: شو ناطرين لنثور ؟ مش بالضرورة نسقط رئيس او نحرق مراكز شرطة. بس نثور مثلاً عالنظام الطائفي الأخو الشر… ، او عسعر البنزين او !نثور عسعربطة الخبز … ولك نثور على اي شي نتفق عليه قبل (غير انو نثور عبعضنا).
انو ناطرين انو حدا يحرق حالو ؟! – ايه بس ولا كلمة – كذابين.
اصلاً ما ضل حدا ما حرق حالو وبعدكن يا عكاريت (وانا اولكم) نايميين، سقف طموحكن مظاهرة وكم خطاب بيهيج و10000 صحافي واعلامي يطلعوكن عنشرات الأخبار الساعة 8:00 وبالاعادة بنصاص الليالي … شو ناطرين ؟!
البلد احترق عرضو من ال 128 سيادة عكروت و 30 معالي عكروت و 10452 حزب معكرت.
ولك ما في شي بالبلد مش معكرت … اصلاً فيك تقول عكروت لحدا مش لبناني ويسكت !! … مستحيل !! الا اللبناني بتقلو عكروت بيقلك (بكل فخر).
ولك انا بيي حرق حالو شغل من الفجر للنجر لرباني ومع هيك طلعت عكروت (ععشرة لعكاريت). امي يللي خلفتني كمان حرقت حالها لتهتم فيي ولهلق بعكرت (بضراوه) اذا بتقلي انها عاملي طبخة ما بحبا. وانا احترق ديني لحتى اتخصص والشغل عكرته.
ايها الشعب العكروت … شو ناطرين ؟
ولك شوناطرين يا اخوات الشر…
شو ناطرين يا ولاد المن…
ناطرين الفرج ؟! … ما تنطرو، الفرج ما رح يجي واذا اجا بتهشلوه وبتعكرتو عليه
ناطرين الصرفة ؟! … كمان ما رح تجي واذا اجت بيصير بدا الصرفة منكن
حدا يخبرني شو ناطرين ؟!
اذا عنجد ناطرين حدا يحرق حالو بالشارع … انا بحرق حالي، بس تحركوا يا عكاريت
ملاحظة: ما حدا ياخذها شخصية احسن ما عكرت عليه.
