من يومبن وبعد العصر بشي ربع ساعة
كنت حاطط راسي على هالمخدة وعم بحاول أنام
وفجأة بسمع صوت عياط وعجقة
ااااااااخ طارت النعوسة
طلعت لبرا أشوف شو صاير
ولا طلع جارنا النمرود نازل ضرب وبهدلة بشغيلو
كالعادة يعني
بس يمكن هالمرة كانت حميانة أكتر
لإنو _ومن هوا ما سمعت من العالم_ شغيلو لجارنا
صار يحس شوي
وصارت مشاعرو تتحرك جواتو
اه وصار اسمو أبو جمرة كمان
حس انو معلمو عم يتسلط عليه
وانو حاطط كل الشغل على ضهرو
مسكين أبو جمرة
عنجد ما كنت أحس فيو من هالناحية
لك العمى بقلبو جارنا
هاي صار عمري كزا سنة
ومن أول يوم خلقت فيو
كنت أشوفو عم بضرب أبو جمرة
وعامل حالو أبوه ومعلمو وكل شي
طب العما يعني كيف أبو جمرة
قادر هيك يتحمل
وشو اللي جابرو هلقد يتبهدل وينزل
يمكن هوي دايما بيسأل حالو هالأسئلة
بس أكيد جوابو بكون
كرمال لقمة العيش بهون كل شي
بسيطة يا أبو جمرة
بس يا ريت جارنا يفهم
إنو القوة مش بالسلطة
